Pak para se të niste mbledhjen me ish-grupin parlamentar të LSI-së në selinë e kësaj partie, kryetarja Monika Kryemadhi ka folur për protestën, dhe mundësinë për zgjedhje të parakohshme në vend. Në një prononcim për mediat, ajo tha se vendi ynë do të shkojë në zgjedhje të parakohshme, për tu dhënë shqiptarëve zgjedhjet e lira e të ndershme.
“Shqipëria do të shkojë shumë shpejt në zgjedhje të parakohshme, duke iu dhënë shqiptarëve atë mundësi të munguar në 30 vite tranzicioni, pikërisht zgjedhjet e lira dhe të ndershme”, tha Kryemadhi.
“Kapja e shtetit ka sjellë varfërinë e shqiptarëve. Opozita po përgatitet për zgjedhjet parlamentare. Protesta e nesërme është një vazhdimësi e protestave të shqiptarëve, pasi çdo ditë që kalon, e thellon edhe më shumë krizën”, tha kryetarja e LSI-së.
Kryemadhi flet një ditë para protestës: Do bëjmë çmos që populli të mos vuajë për ‘bukën e gojës’
