Pas intervistës në “Opinion”, duket se Basha ka nxituar që të telefonojë kryetaren e LSI-së, por çdo gjë doli haptazi teksa ajo është e ftuar në “Çim Peka LIVE”. Situata është mirëmenaxhuar me sukses, ndërsa dëgjohej teksa i thoshte LIVE se ndodhej në emision.
Teksa në studio debatohej mbi koalicionin e mundshëm PD-LSI, Basha i telefonon partneres së tij politike, e cila nuk nguroi ti përgjigjej.
“Jam te Çim Peka. Jemi LIVE”, i tha Kryemadhi-Bashës.
Gjatë intervistës së saj, kryetarja e LSI Monika Kryemadhi konfirmoi edhe një herë koalicionin zgjedhor me Partinë Demokratike.
A është Lulzim Basha kryeministër i ardhshëm i opozitës?
“I marrim votat dhe hajde e bëjmë. A është partia më e madhe? I takon atij për të qenë kryeministër. Kemi firmosur më 23 prill 2019, në Hotel Tirana, kemi firmosur marrëveshjen për koalicionin zgjedhor, politik etj. Është PDIU, Republikanët, jemi ne, janë të gjitha partitë”, tha Kryemadhi.
