Kryetarja e LSI-së Monika Kryemadhi deklaroi mbrëmjen e sotme në emisionin “Real Story”, se i leverdis që të hyjë në zgjedhje me kryeministrin Edi Rama.
Ajo tregoi publikisht edhe arsyen.
“Nëse unë do të shkoj në zgjedhje me Edi Ramën kryeministër, probabiliteti për të shkuar drejt votimit është më i madh, pasi njerëzit do të shkojnë të votojnë kundër tij. Ndaj mua më leverdis prania e tij”, u shpreh Kryemadhi.
Në vijim, kryetarja pohoi se LSI është kategorikisht kundër financimit publik.
Gjithashtu ajo theksoi se çdo parti është shumë vonë me përgatitjet për zgjedhjet:
“Jemi vetëm 10 muaj larg zgjedhjeve, jemi shumë vonë sa i përket angazhimit. Çdo parti është shumë vonë me përgatitjet”.
