Kryetarja e LSI, Monika Kryemadhi i ka dorëzuar kartën e anëtarësimit disa të rinjve në kryeqytet.
Kryemadhi mirëpret këdo që i bashkohet, për të punuar në mënyrë që vendin t’ia kthejnë të rinjve.
Sipas saj, të rinjtë nuk janë thjeshtë anëtarë të LSI, por përfaqësojnë vendin dhe të ardhmen.
Postimi i Kryemadhit në Facebook
MIRËSEVINI!
Pata kënaqësinë t’i dorëzoja kartën e anëtarësimit Biornit, Endrit, Erindit, Anjës, Frenklit, Sinanit, Roselës dhe Klaudios; disave prej të rinjve të Tiranës që kanë aplikuar për t’u bërë pjesë e LSI.
Rinia e Shqipërisë e kupton se cila është partia e të rinjve dhe ne mirëpresim secilin të na bashkohet, për të punuar së bashku që t’ja kthejmë vendin të rinjve tanë. Ata nuk janë thjeshtë anëtarë të LSI, ata përfaqësojnë vendin tonë, të ardhmen tonë.
