Gjatë mesditës së sotme, Monika Kryemadhi ka marrë pjesë në votimet që po zhvillohen brenda partisë, për zgjedhjet e kryetarit të ri dhe delegatëve.
Monika Kryemadhi garoi sot e vetme për postin e kryetares së LSI, në zgjedhjet që kjo parti po zhvillon. Ajo deklaroi se sot garon për t’u rikonfirmuar, dhe se po pret më padurim ekipin e ri drejtues të LSI.
“Sot dhashë një votë, si gjithë anëtarët e LSI. Sot shoh shumë gra dhe të rinj e të reja. Sot garoj për t’u rikonfirmuar. Pres me padurim zgjedhjen e ekipit drejtues, që do drejtojë LSI në misionin e saj kombëtar për t’u dhënë shqiptarëve mundësi, punësim, standarde më të mira jetese”, tha Kryemadhi.
Kryemadhi u shfaq me maskën e kuqe të partisë. Ajo tregoi se pse tashmë mban maskë.
“Partia ma mbledh. Nuk ma mbledh askush tjetër. Maska duhet mbajtur në ambiente të mbyllura. Ajo duhet mbajtur se njeriu beson, jo prej kërcënimit”, përfundoi ajo.
