Kryetarja e LSI-së, Monika Kryemadhi, teksa foli lidhur me rezultatet e votimeve për zgjedhjet e 30 qershorit, u shpreh se kryebashkiakët aktualë janë legjitimë deri në zgjedhjet e 13 tetorit, datë kjo e caktuar nga presidenti Meta.
“Rama është minoranca e minorancës. Buka e shqiptarëve, varfëria, kapja e shtetit nga Edi Rama mendoj se është më e rëndësishme se karriget e kryetarëve dhe deputetëve. 30 qershori është ilegjitim. Kemi një dekret të Presidentit. Nuk kemi parë asnjë ankimim të PS-së. Kryebashkiakët janë legjitimë deri në zgjedhjet e 13 tetorit”, tha Kryemadhi.
Sa i përket protestës që do të zhvillohet me datë 8 korrik, kryetarja e LSI-së tha: “Protesta e ditës së hënë do të jetë protestë paqësore si gjithë protestat e tjera. Provokatorët e Ramës e Sandër Lleshit nuk mund të provokojnë më opozitarët.”
