Kryetarja e LSI-së, Monika Kryemadhi, nuk ka të ndalur me denoncimet. Ajo ka reaguar sërish për aferën e inceneratorëve.
Kryemadhi denoncon nëpërmjet një video në Facebook, zinxhirin e bashkëpunimit të shtetit shqiptar dhe kërkon që ata të përballen me drejtësinë.
Ajo parashtron pyetjen se përse SPAK nuk po vepron ndaj kryetarit të Bashkisë Tiranë, Erion Veliaj.
“Vazhdojmë me serinë e denoncimit publik të mega aferës së inceneratorëve.
Më poshtë do të shihni vetëm një pjesë të zinxhirit të bashkëpunimit kriminal të gjithë shtetit shqiptar, në këtë aferë dhe konkretisht rolin e kryetarit të bashkisë Tiranë.
Pyetja shtrohet: Erion Veliaj do të përballet me drejtësinë në detyrë si kryetar bashkie, apo si i shkarkuar nga Rama?”
