E hënë, 24 Janar, 2022
3.5 C
Tirana

Kryemadhi braktis LSI-në, Petrit Vasili merr ‘frenat’ e partisë

Monika Kryemadhi duket se ka braktisur LSI-në, pas disfatës që pësoi në zgjedhjet parlamentare të 25 prillit. Të rinjtë e Lëvizjes Rinore për Integrim janë mbledhur në kamp në Jalë, sikundër ndodh çdo vit. Por ndryshe nga çfarë ndodhte në vitet e shkuara, ku nuk diskutohej pjesëmarrja e kryetares së LSI-së, këtë vit ajo i ka suprizuar të gjithë me mos pjesëmarrjen e saj.

Fjalën hapëse dhe përshëndetëse e mbajti nënkryetari i kësaj partie, Petrit Vasili, i cili vlerësoi praninë e të rinjve të LRI në Jalë. Në kushtet kur Monika Kryemadhi ka braktisur partinë, presidenti Ilir Meta ka mandatuar pikërisht ish-ministrin e LSI-së për të karikuar të rinjtë e Lëvizjes Rinore për Integrim për protesta kundër qeverisë “Rama”.

Nënkryetari i LSI-së, Petrit Vasili, gjatë fjalës së tij para të rinjve të Forumit Rinor, u kujdes që t’i dërgonte edhe një kërcënim qeverisë, ndërsa e konsideroi kampingun si një vend ku po përgatiten luftëtarë të rinj për t’u ndeshur me kryeministrin Edi Rama. Ai ka nënvizuar se ka ardhur koha që të rinjtë të marrin në dorë fatet e tyre, ndërsa theksoi se sezoni i ri politik në vjeshtë, duhet t’i gjejë të gjithë të bashkuar.

“I kërkoj qeverisë të marrë masa për COVID-in. E dini se çfarë ndodhi. Kufizimet ishin vetëm propagandë, por mijëra njerëz humbën jetën. Qindra mijëra të tjerë e kanë kaluar me probleme të mëdha. Kanë marrë para borxh për të përballuar. Ky është realitet.

Kush do i japë përgjigje? Këtë përgjigje duhet ta japim ne vetë. Do të vijë në kamp si djalë e një vajzë e re, por do të dalë nga këtu si një djalë dhe një vajzë me mendjen e një qëndrestari. Nuk mund të rrimë nëpër “Facebook-e” ku na kërkohet të jemi në majë të qëndresës për të siguruar të ardhmen. Koha është e vështirë, kërkon njerëz që luftojnë dhe një luftëtar i mirë nuk njeh moshë.

LSI luftoi, që të rinjtë të mos iknin nga malet e nga kodrat. Në rast se do të harroni, sepse s’keni ardhur për të kaluar disa ditë interesante, por duhet të mendoni gjatë sepse duhet të ktheheni me një mendim e karikim të ri, që muajt që na presin të jemi së bashku”, deklaroi Vasili.

TIRANA TODAY

- Reklama -

Më shumë nga kategoria




Të fundit

1100 mësues të infektuar, Ministrja e Arsimit flet për mbylljen e shkollave

Aktualisht në Shqipëri janë 1100 mësues të konfirmuar me Covid-19, dhe 1600 nxënës. Përpos situatës së rënduar me pandeminë, shtohet edhe frika për gripin...

Zgjedhjet e nxehta të 6 marsit, 10 pritshmëritë për 6 bashki

Nga: Roland Qafoku Vendimi për zgjedhjet e pjesshme lokale të 6 marsit më shumë duket si një pushim i detyruar i kërkuar nga trajneri në...

Recitoi mes dëborës/Meta: Vargjet e mia shqetësuan çunat e “Ballkanit të Hapur”

Kreu i Shtetit, Ilir Meta, është pyetur nga gazetarët sot për recitimin që bëri së fundmi në Korçë, ndërsa në qytetin juglindor kishte nisur...

Meta i përgjigjet “dhëmbë për dhëmbë” Ramës

Pa humbur kohë, presidenti Meta i është përgjigjur thumbave të kryeministrit Rama. Presidenti Ilir Meta i ktheu përgjigje deklaratave të Ramës, se më 6...

“Kreu i FSHF”, Meta: Dënoj çdo ndërhyrje të politikës, që synon shantazhimin!

Ndërsa foli për mediat pas homazheve te shtatorja e Ismail Qemalit, në bulevardin Dëshmorët e Kombit, Kreu i Shtetit, Ilir Meta është prononcuar edhe...