Një ditë pas publikimit të video-skandalit të kryebashkiakut të Bulqizës, Lefter Alla, Prokuroria e Posaçme Kundër Korrupsionit dhe Krimit të Organizuar, ka thirrur për të dëshmuar gazetarin investigativ Artan Hoxha. Sikundër dukej qartë edhe nga pamjet e zbardhura një ditë më parë, Alla shfaqej duke thithur kokainë teksa ndodhej në një lokal privat.
Lidhur me këtë rast, gazetari investigativ Artan Hoxha tha se është kërcënuar, por ai ka vendosur të mos tërhiqet. Artan Hoxha do të jetë sot në 14:30 para prokurorëve të SPAK-ut.
SPAK ka nisur hetimet për kryebashkiakun. Hetimet e SPAK për kryetarin e Bashkisë Bulqizë do të zhvillohen për veprën penale “mbajtje substancash narkotike”.
Alla i kthehet ashpër PD-së: Padi ndaj Salianjit, video është montazh
Denonco ne TT