Banorët e Krujës kanë dalë sot në një protestë para Bashkisë së qytetit, pas helmimit të mbi 600 qytetarëve. Ata kanë kërkuar dorëheqjen e kryetarit të Bashkisë, Artur Bushi si dhe drejtorin e Ujësjellësit.
“I gjithë populli i Krujës e di se nga janë marrë ato tuba të ujësjellësit, pasi janë marrë nga tubat e naftës në Ballsh. Kërkojmë që të merrem masa. Uji i ri erdhi me ngjyrë. Ndaj e hoqën atë ujin e ri”, tha një prej protestuesve.
Ndërkohë, disa të tjerë thonë se tubat e ujësjellësit janë marrë në Bulqizë. Aktualisht uji që shkon në banesa te qytetarëve, është i pakonsumueshëm.
Helmimi i banorëve të Krujës u shkaktua nga bakteret në ujin e pijshëm. Analizat zyrtare të Institutit të Shëndetit Publik tregojnë prezencë të bakterit enterokok në një pikë burimi të ujit.
“Nga analizat e marra nga ISHP ka rezultuar që në një pikë të vetme të ujësjellësit, ka rezultuar bakteri enterokok, shkak i këtyre shqetësimeve, do e ndjekim me rigorozitet, epidemi e shkaktuar nga uji. Nga shirat e rënë”.
