Kroacia i ka dhuruar Shqipërisë 20 mijë vaksina kundër koronavirusit, të prodhuara nga kompania AstraZeneca. Lajmin e ka bërë të ditur Ministrja e Shëndetësisë, Ogerta Manastirliu, përmes një postimi në rrjetet sociale. Deri më tani, në Shqipëri kanë ardhur 1,699,410 doza vaksina anti-Covid.
”20.000 doza vaksine AstraZeneca sapo kanë mbërritur në Shqipëri, falë mbështetjes së qeverisë kroate. Me 1,699,410 vaksina antiCOVID që kanë mbërritur deri tani dhe sasi të tjera që do të vijnë, jemi të vendosur të çojmë përpara planin kombëtar të vaksinimit anticovid.”, shkruan Manastirliu në rrjetin social, Twitter.
?20.000 doza vaksine AstraZeneca sapo kanë mbërritur në Shqipëri, falë mbështetjes së qeverisë kroate ?????
?Me 1,699,410 vaksina antiCOVID që kanë mbërritur deri tani dhe sasi të tjera që do të vijnë, jemi të vendosur të çojmë përpara planin kombëtar të vaksinimit anticovid. pic.twitter.com/sMeiVjbw7q— Ogerta Manastirliu (@GManastirliu) July 29, 2021
Situata epidemiologjike në vendin tonë mbetet e qëndrueshme, edhe pse në 24 orët e fundit ka patur një rritje të lehtë të të infektuarve me koronavirus. Ministria e Shëndetësisë bën me dije, se janë regjistruar 47 raste të reja me Covid-19, nga 3.025 testime të kryera.
Me hyrjen e variantit Delta në vend, autoritetet shëndetësore apelojnë qytetarët për respektimin e masave të distancimit fizik, vendosjen e maskave në ambientet e brendshme dhe higjenën, të cilat janë thelbësore për kufizimin e përhapjes së virusit.
