Kristal Abazaj është duke kaluar një sezon fantastik me Luftëtarin, ku golat nuk kanë munguar. Në përballjen me Flamurtarin Abazaj shënoi dy gola dhe i dhuroi fitoren ekipit të tij. Gjatë kësaj ndeshje djaloshi nga Tropoja ka pasur edhe një tifoz special.
Bëhet fjalë për presidentin e ekipit të Anderlecht, Mark Coucke, i cili me anë të një postimi në Twitter ka prezantua blerjen më të re të ekipit të tij për tifozët. Lavdërimet dhe fjalët e mira nuk kanë munguar nga ana e tij:
“Lojtari ynë më i ri i Anderlehtit për sezonin tjetër, Kristal Abazaj, ka shënuar 3 herë në dy javë, përfshirë edhe nga goditja e dënimit sot. Ruaj disa për vitin tjetër, Kristal” – shkruan presidenti Coucke.
