Kryedemokrati, Lulzim Basha gjatë konferencës të mbajtur për mediat dha një mesazh të prerë duke cilësuar se opozita ka 2 kushte të panegociushme që opozita t’i rikthehet jetës politike.
Sipas Bashës, kushti tjetër i opozitës përveç largimit të Ramës që është kryesori, është ndëshkimi i çdo politikani, apo personi të përfshirë në blerje votash.
“Ka vetëm një mënyrë si mund të ketë zgjidhje situata: Dalja para drejtësisë e atyre që kanë vjedhur zgjedhjet dhe largimi i Edi Ramës. Këto kushte janë të panegociueshme për pjesëmarrjen e opozitës në zgjedhje. Nuk do të ketë rikthim në asnjë aktivitet politik. Rama po përpiqet t’i shmangë, por nuk do ia dalë. Ne do ja arrijmë, shpresojmë pa kosto shoqërore. Kriminelët duhet të jenë në burg”,- deklaroi ai.
Kryedemokrati Basha foli ndër të tjera edhe për 30 qershorin, duke e konsideruar ditën kur merr fund regjimi i Ramës.
“Plani i Ramës për destabilizim dhe luftë ndaj shqiptarëve do dështojë. Shqiptarët janë bërë bashkë për të mos lejuar farsën elektorale. 30 qershori është dita kur nis fundi i regjimit të Ramës. Ju ftoj të jeni të vendosur në këtë betejë”,- u shpreh Basha
