Krimi në Astir/59-vjeçari vrau bashkëjetuesen dhe motrën e saj

Policia ka dhënë detajet e para për ngjarjen e rëndë që ndodhi në Tiranë. Sipas bluve të Tiranës, rreth orës 10:30, në Astir, shtetasi me inicialet P. A., 59 vjeç, dyshohet se gjatë një konflikti të çastit, ka qëlluar me armë zjarri bashkëjetuesen e tij dhe motrën e saj, ende të paidentifikuara.

Të dyja këto shtetase, si pasojë e plagëve të marra kanë ndërruar jetë.

Nga ana e policisë, janë ngritur pika kontrolli në të gjitha akset rrugore. Po kështu vijon puna nga grupi hetimor, nën drejtimin e Prokurorisë, për sqarimin dhe dokumentimin e plotë të rrethanave të ngjarjes.