E hënë, 24 Janar, 2022
-0.5 C
Tirana

Krimi kibernetik zhduk miliona nga llogaritë personale, 7 në pranga 

Përdorimi i të dhënave të kartave bankare me qëllim vjedhjen e tyre ka çuar në pranga dy shtetas dhe procedoi pesë të tjerë për bashkëpunim. Policia e Shtetit njoftoi se në kuadër të operacionit të koduar “SMARTPHONE”,  kishte vënë në pranga 2 shtetas: Qirjako Topi dhe Igen Basha, ndërsa pesë të tjerë u proceduan me akuzën e vjedhjes dhe përdorimit të të dhënave të kartave bankare.

Sipas njoftimit të policisë, të ndaluarit për kryerjen e veprës penale “Mashtrimi kompjuterik” janë 21 vjeçari Q.T. dhe 18 vjeçari I.B. Ndërkaq, të hetuar si bashkëpunëtorë në kryerejen e veprës penale janë edhe E. H., 21 vjeç, E. Sh., 19 vjeç, Dh. T., 23 vjeç, M. M., 33 vjeç (shtetas i huaj) dhe S. S, 26 vjeç (shtetas i huaj), të cilët do të procedohen penalisht për këtë vepër penale.  Gjithashtu, nga i njëjti njoftim mësohet se, nga Njësia për Hetimin e Krimeve Kibernetike, në bashkëpunim me Drejtorinë Vendore të Policisë Tiranë dhe Drejtorinë Vendore të Policisë Fier, janë kontrolluar disa banesa dhe ambiente dhe me cilësinë e provës materiale janë sekuestruar telefona celularë, laptopë dhe dokumente, fatura të ndryshme bankare etj.

Si u kapën të rinjtë

Policia tha se kallëzimi ishte bërë nga një kompani telefonike dhe pas hetimeve ka rezultuar se se një shtetas, në bashkëpunim me disa shtetas të tjerë, brenda dhe jashtë territorit të Republikës së Shqipërisë, kanë përdorur të dhëna kartash bankare të cilat dyshohet se janë vjedhur nga shtetas të ndryshëm jashtë territorit të Republikës së Shqipërisë, me qëllim për të përfituar financiarisht duke blerë pajisje të telefonisë së lëvizshme.  “Nga materialet e deritanishme ka rezultuar se vetëm në një kompani këta shtetas kanë kryer një dëm prej rreth 33.000.000 lekësh, ndërkohë dyshimet janë se dëme të konsiderueshme kanë dhe kompani të tjera të cilat shesin produkte në rrjet (online) dhe për këtë fakt hetimet janë në vazhdim”, thuhet ne njoftimin e policisë.

Lexo edhe :   E përplasi për vdekje dhe e hodhi në kanal, autori arrestohet pas 10 ditësh

Eksperti Progni: Policia shqiptare s’ka kapacitetete për të zbuluar krimin kibernetik

Ekspertët shpjegojnë se sot nuk dihen përmasat reale të krimit kibernetik. Drejtor ekzekutiv i kompanisë “aplikacione.com”, Gent Progni,  format më të përhapura të këtij krimi i gjejmë në vjedhje identiteti, vjedhje e informacioneve bankare dhe ndërhyrje në të dhënat personale dhe vetëm shumë pak raste janë të denoncuara apo të zbuluara nga strukturat shtetërore. “Në Shqipëri krimi kibernetik është shumë i përhapur dhe 90% e rasteve të krimit kibernetik nuk dihen as si informacion. Kjo do të thotë që nuk jemi në dijeni për përmasat reale që krimi kibernetik ka në jetën e shqiptarëve”, shpjegoji Progni gjatë një takimi të organizuar pak kohë më parë nga ICEDA dhe e bashkëfinancuar nga Bashkimi Europian.

Lexo edhe :   E përplasi për vdekje dhe e hodhi në kanal, autori arrestohet pas 10 ditësh

Progni shprehet skeptik për zbulimin në kohë të këtyre krimeve nga policia shqiptare, teksa shpjegon dhe arsyet se përse nuk arrihet zbulimi I këtij krimi që po përhapet me shpejtësi. “Krimi kibernetik sot luftohet në një masë shumë të ulët dhe në shumicën e rasteve me informacionet e partnerëve strategjikë. Struktuara aktuale e policisë nuk e ka kapacitetin e duhur, si nga ana profesionale, ashtu dhe sasiore për të frenuar dhe kapur personat, që merren me këtë fushë të krimit. Ajo që duhet bërë dhe në mënyrë sa më urgjente është riformimi i strukturës policore të krimit kibernetik. Gjithashtu, i duhet dhënë rëndësi maksimale, duke parë që zhvillimi në teknologjinë e informacionit po merr përparësi maksimale dhe duhet që kjo strukturë së bashku me AKSHI, të bëjnë një rikontroll total të të gjithë serverave dhe sigurisë të çdo institucioni në mënyrë që të krijohet një siguri totale dhe certifikim i personalit dhe personave përgjegjës, që kanë të drejtë hyrjeje dhe marrjeje informacioni në këto struktura”, tha Progni./ Tirana Today

- Reklama -

Më shumë nga kategoria




Të fundit

Sulm ajror në burgun e Jemenit, të paktën 70 të vrarë

Të paktën 70 njerëz u vranë në një sulm ajror në një burg, dhe të paktën tre fëmijë vdiqën në një bombardim të veçantë,...

Shtetet e Bashkuara pezullojnë 44 fluturime të linjave ajrore kineze

Qeveria e Shteteve të Bashkuara njoftoi të premten pezullimin e 44 fluturimeve ajrore të katër kompanive kineze nga Shtetet e Bashkuara drejt Kinës. Pezullimi...

Caktohet data për zgjedhjet në FSHF

FSHF u ka dhënë fund dilemave, pasi është caktuar data e zgjedhjeve për president. Federata Shqiptare e Futbollit, i ka dhënë fund dyshimeve rreth...

Kosova sërish vend i rrezikut të lartë për Gjermaninë

Varianti Omikron ka shtuar ndjeshëm shifrat e infektimeve në Kosovë. Nga dita e dielë (23.01; 00:00) Kosova futet sërish në listën e vendeve të...

Armët vdekjeprurëse amerikane mbërrijnë në Ukrainë

Rreth 90 ton "ndihma vdekjeprurëse" nga SHBA-ja kanë mbërritur në Ukrainë, mes tensioneve për grumbullimin e trupave ruse në kufi. Kjo ishte dërgesa e...