Ndërprerja e aktivitetit për shkak të COVID-19, ka futur në krizë edhe sektorin e Transportit.
Kreu i Shoqatës “Transporti Kombëtar Interurban”, Kujtim Mema rrëfeu për “Abcnews”, vështirësitë që po has ky sektor.
Sipas Memës, shumica e transportit ndërqytetas është me kredi dhe një e dytë shtesë do të ishte shumë e vështirë për t’u shlyer.
Ai kërkoi rifllimin e aktivitetit, pasi përndryshe sektori do të shkonte drejt falimentit.
Kreu i Shoqatës së Transportit paralajmëroi gjithashtu rritjen e çmimit të biletës.
“Situata e protokollit të sigurisë mund të na çojë në rritje të biletës. Kjo nuk është e qëllimshme, por e detyrueshme. Nëse do të shkojmë me gjysmë kapaciteti, bileta do të detyrohet me 30% të rritet edhe pse pritet që të shikohet se si do të vijojë situata.
Shoqëritë e Transportit të Udhëtarëve në Shqipëri janë shoqëri aksionare të cilët kanë mjetet e tyre dhe punojnë për familjet e tyre.
Shumica e transportit ndërqytetës janë me kredi dhe një kredi e dytë nuk na bën mirë, pasi dy kredi bashkë është e vështirë për t’i shlyer. Jemi tkurrur ekonomikisht. Referuar edhe vendeve fqinje ndoshta ka ardhur momenti që të bëhet një hapje e punës, pasi në këtë mënyrë jemi drejt falimentimit”, u shpreh Mema.
