Vijon procesi i vettingut në polici, teksa i radhës që do të paraqitet do të jetë kreu i Drejtorisë së Standardeve Profesionale, Arben Saliu.
Saliu do të zhvillojë seancë dëgjimore në orën 12:00 para Komisionit të Jashtëm të Vlerësimit.
Policia e Shtetit bën me dije se të premten do të dalë para Vettingut edhe Bledar Çeliku, drejtor i Drejtorisë kundër Trafiqeve dhe Narkotikëve në Departamentin e Policisë Kriminale.
Njoftimi i policisë:
Përshëndetje,
Ditën e enjte në ora 12:00, Komisioni i Jashtëm i Vlerësimit (KJV) do të zhvillojë seancën dëgjimore me subjektin e vlerësimit kalimtar z. Arben Saliu, me funksion Drejtor i Drejtorisë së Standardeve Profesionale, në Drejtorinë e Përgjithshme të Policisë së Shtetit.
Ditën e premte në ora 09:30, Komisioni i Jashtëm i Vlerësimit (KJV) do të zhvillojë seancën dëgjimore me subjektin e vlerësimit kalimtar z. Bledar Çeliku, me funksion Drejtor i Drejtorisë Kundër Narkotikëve dhe Trafiqeve në Departamentin e Policisë Kriminale, në Drejtorinë e Përgjithshme të Policisë.
Ftojmë mediat që do të ndjekin seancën të respektojnë masat mbrojtëse nga COVID-19, në ambiente të mbyllura!
