Britania e Madhe ka vendosur të mbyllë ambasadën e saj në kryeqytetin e Koresë së Veriut, duke urdhëruar stafin të largohet nga vendi.
Mediat e huaja raportojnë se mbyllja e papritur lidhet me kufizimet e koronavirusit në vend, të cilat e kanë bërë të pamundur funksionimin e ambasadës atje.
Ndërkohë një numër i madh diplomatësh dhe banorë të huaj janë evakuuar nga kryeqyteti Poyngyang që prej muajit mars.
Sipas NK News, diplomatët britanikë janë larguar nga Koreja e Veriut përmes kufirit me Kinën.
Ndërkaq qindra banorë të huaj kanë mbetur në Pyongyang, përfshirë diplomatë nga ambasada suedeze dhe ruse, dhe një numër i vogël i punëtorëve të përfaqësuar nga Gjermania, Zvicra, Franca dhe Italia.
