Gjyqtari i Apelit, Artur Kalaja është konfirmuar në detyrë. Pas përballjes në seancën e parë me dyshimet për “trajtim preferencial” ai është konfirmuar në detyrë nga Komisioni i Pavarur i Kualifikimit.
Në seancën e parë, KPK pati ngritur dyshime për një kontratë sipërmarrjeje të bashkëshortes së gjyqtarit. Dysime ka pasur edhe mbi përfitimin e 24 milionë lekë të të atit nga AKPP.
Sipas KPK, Kalaja s’ka paguar detyrimet doganore të makinës së blerë në gjermani në vlerën 14 mijë euro. Gjithashtu rezulton se nuk ka deklaruar të ardhurat nga qiraja e zyrës me vlerën 200 euro në muaj. Këtë të fundit, Kalaja e ka deklaruar vetën në deklartën e vettingut.
Përgjatë viteve ndaj gjyqtarit ka pasur 6 denoncime, të cilat pas verifikimeve nuk përmbanin fakte dhe rrethana që vendosin në pikëpyetje profesionalitetin e tij.
Ndërkohë, kjo situatë duket se e ka prekur goxha gjyqtarin, i cili mes lotëve ka shpjeguar se i plotësonte të gjithë kriteret për të vazhduar detyrën. “S’kam pasuri të paluajtshme, kam vetëm dy mjete. Kam dy fëmijë në shkollë publike”.
Në fund pas shqyrtimit të dokumenteve dhe kontrollit në tre shtyllat e vettingut komisioni vendosi konfirmimin në detyrë. Trupa gjyqësore e kryesohej nga Pamela Qirko, me relatore Alma Faskaj dhe anëtare Firdes Shuli.
Denonco ne TT