Gruaja e cila dyshohej se mund të ishte prekur nga koronavirusi në Kosovë, ka dalë e pastër.
Sipas Express, rezultati i analizave të gruas ka dalë negativ duke shuar frikën për përhapjen e mundshme të koronavirusit në Kosovë.
Gruaja rreth të 30-tave u kthye në Kosovë, pas disa ditë pushimeve në Itali. Ajo u paraqit mbrëmë në Klinikën Infektive, por në bazë të analizave të bëra nga Instituti Kombëtar i Shëndetit Publik rezultatet për këtë rast kanë rezultuar negative.
Sipas IKSHP-së, pacientja ka pasur ethe, djegie të syve, rrjedhje hunde dhe fytin e ndjeshëm.
“SARS-CoV-2 me metodën rRT-PCR. Testi ka rezultuar negativ, domethënë pacientja nuk është infektuar me virusin SARS-CoV-2. Laboratori mikrobiologjik/IKSHPK është pajisur me kite dhe reagensa për detektimin e 2019-nCoV”, deklarojnë nga IKSHP.
