Kosova ka shënuar një rritje të ndjeshme të numrit të viktimave nga Covid-19, teksa në 24 orët e fundit, 10 pacientë e kanë humbur betejën me këtë sëmundje.
Numri i përgjithshëm i viktimave që ka fillimi i pandemisë tashmë ka shkuar në 1.568.
Ndërkohë, Instituti i Shëndetësisë Publike në Kosovë (ISHPK), ka informuar se po në 24 orët e fundit janë regjistruar 340 raste të reja me koronavirus.
Shifrat e të infektuarve dalin nga kryerja e 2.715 testimeve.
Nga sëmundja janë shëruar edhe 411 pacientë ndërsa raste aktive janë 6.737.
Që nga 13 marsi i vitit 2020 deri më 19 shkurt 2021 në Kosovë janë regjistruar 65.690 raste me koronavirus prej të cilëve 57.385 janë shëruar.
