Kosova ka hedhur një tjetër hap përpara, lidhur me garantimin e rifillimit të aktiviteteve futbollistike. Presidenti i klubit të Prishtinës, Remzi Ejupi, deklaroi se ka siguruar kryerjen e 11 mijë testeve anti-koronavirus për futbollistët dhe punonjësit e futbollit në Kosovë. Po kështu, biznesmeni i njohur ka garantuar se po punon që të sigurojë dhe 20 mijë testime për qytetarët e Kosovës.
“Jemi angazhuar të sigurojmë 11 mijë teste për COVID-19 për futbollin. Jemi konsultuar me të gjithë, pa dashur të bëjmë ndonjë gabim. Një mijë teste do t’i dedikohen Preshevës, Medvegjës dhe Bujanocit, kurse për futbollin do të ketë mjaftueshëm. Edhe me dy afaristë të mëdhenj që janë në Gjermani, do të arrijmë të sigurojmë rreth 20 mijë teste. Një pjesë e testeve kanë arritur, dhe një pjesë e testeve do të viinë më pas”, u shpreh presidenti i Prishtinës, Remzi Ejupi.
Parlamenti i Kosovës miratoi një fond prej 5 milionë eurosh, për të ndihmuar financiarisht futbollistët dhe punonjësit e futbollit në Kosovë.
