Komisioni Qendror i Zgjedhjeve në Kosovë ka publikuar rezultatin për 2,496 vendvotime nga 2,547 gjithsej ose 98% të votave në tërësi.
Në bazë të këtyre të dhënave, Vetëvendosja ka arritur që të marrë 200,496 vota apo 25.57%. Nga ana tjetër, LDK deri më tani ka siguruar 195,006 vota apo 24.87 % të totalit.
Ndërsa në vend të tretë radhitet PDK, me 165,445 apo 21.10 %.Më pas vjen koalicioni AAK-PSD, i cili ka mbledhur 90,570 vota apo 11.55%. Duhet theksuar se votat me kusht, me postë dhe të personave me nevoja të veçanta akoma nuk janë numëruar.
