Një ditë pas arrestimeve në Kosovë, me urdhër të Dhomës së Specializuar në Hagë, kryeministri Avdullah Hoti ka thirrur në një mbledhje urgjente ministrat e qeverisë.
Mbledhja do të nisë në orën 09:00, dhe do të ketë në fokus operacionin e EULEX të shtrirë në Kosovë. Kjo mbledhje e Qeverisë vjen një ditë pas arrestimit nga Specialja të ish-presidentit të vendit, Hashim Thaçit, ish-kreut të PDK-së, Kadri Veselit, shefit të grupit parlamentar të LVV-së, Rexhep Selimi dhe ish-kryeparlamentarit Jakup Krasniqi.
Qeveria ka reaguar pas zhvillimeve të fundit, duke deklaruar se askush nuk mund të shpallet fajtor, pa një vendim përfundimtar të drejtësisë.
Dje, Vjosa Osmani është emëruar zyrtarisht presidente e Kosovës, pas dorëheqjes së Hashim Thaçit. Ajo u zotua para qytetarëve se do të ushtrojë detyrën e kryetares së shtetit, duke promovuar këto vlera.
