Në Kosovë u regjistruan 6 viktima dhe 529 raste të reja me koronavirus në 24 orët e fundit.
Instituti Kombëtar i Shëndetësisë Publike, informoi se dy raste të vdekjes u regjistruan në Fushë Kosovë dhe nga një rast në Drenas, Gjilan, Lipjan dhe Prishtinë.
Rastet e reja pozitive, ndërkaq, rezultuan nga testimi i 2,888 mostrave. Numri më i madh i tyre është në Prishtinë, me 191 raste.
Në 24-orëshin paraprak u raportua edhe për 333 pacientë të shëruar nga koronavirusi.
