Instituti Kombëtar i Shëndetësisë Publike në Kosovë, (IKSHPK) njoftoi se në 24 orët e fundit janë regjistruar 5 viktima dhe 285 raste të reja me koronavirus.
“Rastet e vdekjes janë nga komunat: Istog 1 rast (77 vjeç), Malishevë 1 rast (72 vjeç), Prishtinë 1 rast (84 vjeç), Shtime 1 rast (82 vjeç) dhe Suharekë 1 rast (84 vjeç)”, thuhet në njoftimin e IKSHPK-së.
Rastet e reja me Covid-19 dalin pas testimit të 1.686 mostrave, teksa janë shëruar edhe 260 pacientë.
Që prej 13 marsit 2020, e deri më 30 janar 2021, Kosova ka regjistruar 59.931 raste me koronavirus. Prej tyre, 1.492 pacientë kanë vdekur dhe 52.208 janë shëruar. Raste aktive vazhdojnë të jenë 6.231.
