E shtunë, 31 Korrik, 2021
31.5 C
Tirana

“KosovaCoin”, kriptomonedha që ngre lart emrin e Kosovës

Intervistoi: MARSELA SINANI

Shqipëria dhe Kosova janë vende me një ekonomi të vogël dhe të mbyllur. Me interes të shtuar është hapja e ekonomisë shqiptare gjithnjë e më shumë ndaj tregjeve të huaja. Teksa fokusi ishte tek leku dhe goditja e fortë që mori nga pandemia, në skenë doli fjala ‘kriptomonedhë’, e cila lidhej ngushtësisht me emrin e një bosi turk. Duke lënë pas këtë situatë ku shqiptarët morën edhe një informacion më të detajuar se cila është lidhja jonë me kriptomonedhat, tashmë po i gëzohemi edhe një tjetër valute. Gjithnjë e më shumë në botë po flitet për kriptovalutat, dhe e izoluar nga ky fenomen nuk mund të qëndronte as Kosova.

Kriptomonedha është realiteti i ri i parasë digjitale, e cila po tenton të zërë vend në tregjet ndërkombëtare si një alternativë pagese krahas formave tradicionale të pagesës. Krijuesi i kriptomonedhës kosovare KosovaCoin, Artit Muhaxhiri, në një intervistë për “Tirana Today”, thotë që në krye të herës se KosovaCoin do të përdoret për pagesa digjitale. Artiti tregon ambicien e tij për Kosovën që të njihet në tërë botën, duke iu referuar edhe interesit të investitorëve, për të ndikuar drejtëpërdrejtë në ekonomi.

Nga ndryshon Bitcoin nga KosovaCoin? Sa është vlera, sa investohet?

“KosovaCoin është kriptovalutë e krijuar me blockchain të binances. Ndryshimi është se KosovaCoin do të përdoret për pagesa digjitale, duke filluar nga bizneset e-commerce. Gjithashtu dallimi tjetër është se transaksionet me KosovaCoin janë shumë më të lira se e kriptovalutave të tjera. Tani për momentin ka vlerë më të vogël se 1 dollarë dhe ka vlerë të marketit në 100 mijë dollarë dhe ka më shumë se 200 investitorë”.

Sa të besueshme janë? Cili është tregu i kësaj monedhe digjitale? Avantazhet dhe disavantazhet e KosovaCoin.

“Është shumë e besueshme, për faktin se me krijimin e blockchain si dhe me krijimin e binance smart chain scan, është gjithçka e grafikuar ku shihet numri i investitorëve, shihen transaksionet, shihet vlera dhe kërkesa e asaj coin-e. Pra asgjë nuk mund të ndryshohet, të hiqet apo të hakohet. Tregu është shumë i gjerë ku do të të zgjidhte një problem shumë të madh siç janë pagesat digjitale, ku tani njerëzit po kërkojnë që të kryejnë pagesa më të shpejta, anonime dhe të sigurta dhe këtë gjë do t’jua mundësojë KosovaCoin. Avantazhet mund të themi se së pari do të njihej Kosova në tërë botën. Do të kishte interesim të investitorëve në Kosovë dhe Shqipëri, dhe zhvillimi ekonomisht do të ishte shumë i lartë. Avantazh do të ishte siç e përmenda ku do të kyçej më lehtë për pagesa digjitale tek bizneset e ndryshme, sepse programi ynë është më i thjeshtë, më i përshtatshëm dhe më i sigurtë për bizneset e ndryshme. Nuk mendoj se kemi ndonjë disavantazh” .

Lexo edhe :   Serbia ‘i fal’ të gjitha autokracitë që nuk e njohin Kosovën
Lexo edhe :   Kosovë, mbi 70 raste të reja me koronavirus

Si lindi ideja për të krijuar këtë kriptomonedhë? Po emri KosovaCoin? Sa kohë ju është dashur?

“Ideja lindi kur gjatë kohës kur ishim duke investuar tek kriptovalutat e tjera, pamë se kishte interesim të madh të shqiptarëve që donin të investonin tek kriptovalutat, donin të dinin më shumë për to, si dhe pamë që edhe shumë të huaj që dëshironin të gjenin ndonjë kriptovalutë që mund ta besonin shumë lehtë atë. Atëherë na lindi ideja që të krijojmë një kriptovalutë me emrin e Kosovës, ku do të bënte edhe lobim të Kosovës dhe gjithashtu të gjithë shqiptarët do të njiheshim anë mbanë botës. Neve na është dashur rreth 2 muaj që të binim në konkludim rreth programit të KosovaCoin, vizionit të saj, qëllimeve të ardhshme, krijimit të saj si dhe regjistrimin dhe marrjen e certifikatave të posaçme”./TIRANA TODAY

- Reklama -

Më shumë nga kategoria




Të fundit

Bashkia merr pronësinë e Teatrit/ Budina: Meta dhe Basha të mos heshtin

Aleanca për Mbrojtjen e Teatrit, ka protestuar ndaj vendimit të qeverisë për t’i kaluar truallin e Teatrit Kombëtar në pronësi të Bashkisë së Tiranës. Regjisori...

Lamtumirë doktor!

Nga Dritan Hila Ka kohë që diplomatët amerikanë kanë hequr dorashkat. Jo më larg se dje, ambasadorja e SHBA me një gjuhë cinike iu tha...

Shkelën rregullat kundër Covid, përjashtohen 2 sportistë nga Olimpiada në Tokio

Dy xhudistë të Gjeorgjisë janë përjashtuar nga Lojërat Olimpike Tokio 2020, pasi kanë dalë për shëtitje jashtë Fshatit Olimpik, ka raportuar agjencia japoneze e...

117 milionë euro, Manchester City pranë blerjes rekord

Manchester City është shumë afër goditjes së radhës në merkato. Sipas shtypit anglez, mungon shumë pak për arritjen e marrëveshjes për mesfushorin e Aston Villa-s,...

Koronavirusi/ Profesori grek: Do të krijohen më shumë mutacione ngjitëse

Profesori Theodoros Vasilakopoulos në një intervistë për mediat vendase, foli për rrjedhën e pandemisë në vend dhe procesin e vaksinimit ku thotë se ashtu...