Në Kosovë u regjistruan 12 viktima dhe 728 raste të reja me koronavirus.
Instituti Kombëtar i Shëndetësisë Publike tha se rastet e reja pozitive rezultojnë nga testimi i 1,827 mostrave, dhe është numri më i lartë i të infektuarve që nga fillimi i pandemisë.
Numri më i madh i tyre u konfirmua në Prishtinë: 316. Instituti raportoi të premten edhe për 60 pacientë të shëruar nga koronavirusi.
Me këto shifra, numri total i të infektuarve në Kosovë arrin në 22,934, i viktimave në 732 dhe i të shëruarve në 15,981. Raste aktive aktualisht janë 6,221.
