Vijon riatdhesimi i qytetarëve italianë, të cilët duan të kthehen në vendin e tyre, por që janë penguar nga ndalimi i kalimit të kufijve, vendosur nga Shqipëria.
Ambasada italiane në Tiranë njofton se më 11 mars u organizua fluturimi i parë me 133 pasagjerë dhe më 12 mars i dyti me 138 pasagjerë.
Ndërsa sot është nisur edhe avioni i tretë me 166 qytetarë italianë, mes të cilëve 5 ishin bllokuar në Malin e Zi.
Diplomatët italianë kanë falenderuar për bashkëpunimin në këtë operacion ministrinë shqiptare të Infrastrukturës dhe Energjisë, ministrinë e Brendshme dhe Autoritetin e Aviacionit Civil shqiptar.
Ambasadori Fabio Bucci ka falenderuar personalisht të gjithë ata që kontribuuan, duke përmendur punën e madhe që është bërë ditën dhe natën edhe nga personeli i institucioneve shqiptare.
