Koronavirusi ka shënuar viktimën e katërt në Gjermani, teksa numri i të infektuarve ka shkuar në 2078.
Autoritetet shëndetësore gjermane bëjnë me dije se viktima e fundit ishte një 67-vjeçar nga Landi i Baden-Wurttemberg. Kjo është viktima e parë jashtë landit të Reno Westafilisë veriore, ku është regjistruar numri më i madh i rasteve.
Kancelarja gjermane, Angela Merkel tronditi opinionin publik disa ditë më parë, kur u shpreh se 60% deri në 70% të popullsisë gjermane mund të preken nga koronavirusi.
Gjermania është një nga 4 shtetet më të prekura nga koronavirusi në Evropë. Më e prekura në Evropë mbetet Italia me mbi 800 viktima dhe me mbi 10 mijë të prekur. E ndjekur më pas nga Spanja, Franca dhe Gjermania.
