Konfirmohen edhe dy raste të tjera me koronavirus në Maqedoninë e Veriut, duke e çuar në 3 numrin total të rasteve të shënuara.
Një çift nga Dibra e Madhe, të cilët sapo ishin kthyer nga Italia kanë rezultuar pozitiv me virusin vdekjeprurës.
Ata janë të moshave 68 dhe 62 vjeç. Ata kanë udhëtuar me autobus së bashku me 40 persona të tjerë nga Brescia në 27 shkurt.
Çifti është vizituar të mjeku në 2 mars, por nuk kishin shfaqur shenja të sëmundjes. Ditën e sotme janë paraqitur sërish në spitalin e Dibrës ku kanë dalë pozitive. Ministri I Shëndetësisë tha se të prekurit kanë kontaktuar me disa anëtarë të familjes së tyre dhe se po merren masa edhe ndaj udhëtarëve të tjerë të autobusit.
Kujtojmë se shteti më i prekur nga koronavirusi në Ballkan është Greqia me 45 raste të konfirmuara. Më pas është Kroacia me 11, Rumania me 7, Maqedonia me 3 tashmë, Bosnja me 2 dhe Serbia me 1.
Ndërsa në Shqipëri, Kosovë dhe Bullgari nuk janë shënuar ende raste me koronavirus.
