Koronavirusi po përhapet përditë e më shumë, në vende të ndryshme të botës. Një nga vatrat e reja, e cila po përjeton një përhapje të shpejtë të këtij virusi vdekjeprurës është SHBA.
Sipas mediave amerikane, deri më tani janë shënuar 90 të infektuar, ndërsa 6 persona kanë ndërruar jetë.
Të gjashtë viktimat janë shënuar në rajonin e Seattle, Washington, ku janë shënuar 18 raste infektimi.
Sipas të dhënave të Qendrës për Kontroll dhe Parandalim të sëmundjeve, koronavirusi është shpërndarë aktualisht në 10 shtete brenda SHBA-ve (nga California e deri në New York).
