Presidenti i SHBA-ve, Donald Trump është shprehur i gatshëm për të ndihmuar Iranin, në lidhje me koronavirusin e ri.
“Nëse ne mund të ndihmojmë iranianët për këtë çështje, ne do ta bëjmë…Gjithçka që duhet të bëjnë ata është që të kërkojnë ndihmën tonë. Ne mund të dërgojmë profesionist atje”, tha Trump.
Rreth 1 mijë persona janë infektuar nga koronavirusi në Iran, duke e bërë kështu shtetin më problematik në rajon.
Shtetet e Bashkuara nuk kanë marrëdhënie diplomatike me Iranin që prej vitit 1980. Megjithatë, Uashingtoni, zyrtarisht e ka njoftuar Teheranin se mund ta ndihmojë për ta përballuar këtë krizë. Ky mesazh është dërguar përmes Zvicrës, shtet ky që prezanton interesat e SHBA-së në Iran.
