Koronavirusi/ Pse nuk rritet numri i testimeve? Përgjigjet Rama

Kryeministri Edi Rama përgjatë një lidhje direkte me emisionin “Real Story”, u pyet se përse nuk rritet numri i testimeve ndaj koronavirusit në Shqipëri.

Kreu i Qeverisë në përgjigjen e tij i mëshoi faktit se testimet janë kryer bazuar në fakte, simptoma dhe në gjurmim.

“Nuk bëhen testime për të bërë testim”, tha Rama.

Gjithashtu ai shtoi se rritja e numrit të testimeve është në dorën e ekspertëve të cilët monitorojnë situatën.

“Kemi një sistem shëndetësor që është tërësisht i relaksuar në raport me ngarkesën.

Ekspertët tanë kanë treguar deri tani se kanë të drejtë!

Nuk bëhen testime për të bërë testim. Ato bëhen bazuar në fakte, simptoma dhe në gjurmim. Rëndësi ka, a kemi vatra të reja?

Ne nuk kemi pasur infektim komunitar, nga të katërta anët. Ne nuk kemi ardhur në pikën për të mbledhur ‘fësh-fëshe’ nga qytetarët për të mbrojtur mjekët nga infeksioni.

Nuk kemi ardhur në pikën që të kemi mungesa të asnjë lloji”, u shpreh kryeministri.