Një i burgosur në burgun 313 ka rezultuar pozitiv me Covid-19.
I burgosuri është shtetas italian dhe i vënë në pranga për trafik narkotikësh, ndërsa zyrtarisht lajmi nuk konfirmohet ende nga Drejtoria e Përgjithshme e Burgjeve.
Sipas informacioneve paraprake, bëhet fjalë për një 42-vjeçar me iniciale G.C, i arrestuar në vitin 2018 nga forcat RENEA të Durrësit, shkruan “balkanweb”.
Mësohet se ai qëndron në paraburgim në pritje të procesit gjyqësor, ndërsa akualisht është karantinuar larg të burgosurve të tjerë, teksa nuk dihet ende se si është gjendja shëndetësore e të infektuarit.
Kujtojmë se më 15 prill në këtë burg është konfirmuar një punonjës si i infektuar, por sipas Drejtorisë së Burgjeve ai nuk ka pasur kontakte me persona të tjerë.
Më herët janë konfirmuar 3 raste pozitive me koronavirus në burgun e Rrogozhinës ku rezultoi i infektuar drejtori i këtij burgu, juristi, dhe një nga specialistët e kësaj drejtorie.
