Bëhet me dije se pacienti i parë nga koronavirusi në Shqipëri është drejt shërimit.
Disa të afërm të tij kanë konfirmuar për Top Channel se tamponi i tij i parë ka dalë negativ. Tashmë pritet që pacienti t’i nënshtrohet analizës së dytë, e cila duhet të zhvillohet 48 orë pas tamponit të parë.
Kjo do të jetë analiza e cila do të konfirmojë përfundimisht nëse pacienti është shëruar apo jo.
Pacienti është babai i 31-vjeçarit që erdhi nga Firence. Sot në vend u konfirmuan edhe 4 raste të reja me koronavirus, duke e çuar në 55 numrin total të infektuarve.
Personat e sëmurë gjenden në këto qytete:
— Në Tiranë: 38 persona;
— Në Durrës: 5 persona, përfshi një të moshuar që ndërroi jetë;
— Në Fier: 6 persona;
— Në Lushnjë: 2 persona;
— Në Elbasan: 2 persona;
— Në Rrogozhinë: 2 persona.
