Koronavirusi përveçse ka marrë shumë jetë njerëzish në mbarë botën, ka mundësuar edhe goditjen fatale të ekonomisë.
Pa i hyrë me detaje efekteve negative të COVID-19, po qëndrojmë tek një fakt:
“Koronavirusi nuk solli vetëm humbje parash, por dikush fitoi 24 miliardë dollarë”.
Sipas indeksit të Bloomberg, pasanikët botërorë si pasojë e ngjarjeve të vitit 2019 dhe 2020 kanë humbur plot 553 miliardë dollarë.
Mirëpo në mesin e një krize shëndetësore, siç është kjo që po përjetojmë aktualisht, njeriu më i pasur i botës Jeff Bezos, jo vetëm që nuk ka humbur para, por ka fituar shuma marramendëse.
Shefi i gjigantit Amazon, ka përfituar këtë vit rreth 24 miliardë dollarë pasi shitjet online janë shumëfishuar në kushtet e karantinës, ashtu si shërbimet zbavitëse “on demand”, ku Amazon po specializohet vitet e fundit.
