Ministrja e Shëndetësisë dhe Mbrojtjes Sociale, Ogerta Manastirliu përmes një postimi në rrjetet sociale ka dhënë lajmin e mirë se janë shëruar edhe dy mjekë të spitalit “Shefqet Ndroqi”, të cilët ishin prekur nga koronavirusi.
Po ashtu, Manastirliu ka theksuar se aktualisht janë 8 mjekë dhe infermierë të shëruar në Tiranë dhe Durrës.
Ministrja bën me dije se deri tani janë 40 pacientë dhe staf mjekësor që e kanë fituar betejën me COVID-19.
Ndërkohë, të shëruarit do të vijojnë të jenë të vetëkarantinuar edhe për një periudhë 14-ditore.
Reagimi i plotë i Manastirliut: “Edhe 2️ mjekë të spitalit “Shefqet Ndroqi” janë shëruar, pas testimit konfirmues të kryer në laboratorin e Institutit të Shëndetit Publik❗
Shkon në 8️ numri i personelit mjekësor të #shëruar në Tiranë dhe Durrës.
Deri tani janë 40 pacientë dhe staf mjekësor që e kanë fituar betejën me ?#COVID-19?”
