Pothuajse gjithë shtetet e Evropës janë prekur tashmë nga koronavirusi, duke e bërë gjendjen mjaft alarmante.
Më e rëndë situata shihet në Itali, ku janë shënuar rreth 8 mijë të infektuar dhe mbi 400 viktima. Më pas vjen Franca me 1,412 të infektuar dhe me 25 viktima të shënuara.
Ndërsa e treta në renditje për nga përhapja e koronavirusit është Gjermania, e cila numëron deri më tani rreth 1,200 të infektuar dhe 2 viktima.
Raportohet se 70% e rasteve të infektuar në Gjermani janë midis moshës 20 dhe 50 vjeç, ndërsa mosha mesatare e të infektuarve është 40 vjeç.
Kancelarja Angela Merkel, teksa foli për Covid-19, tha se “epidemia ka të ngjarë të përkeqësohet në Gjermani dhe se do të ketë më shumë vdekje”.
Autoritet gjermane kanë krijuar ambiente ku njerëzit mund të testohen, me qëllim lehtësimin e shërbimeve spitalore të mbingarkuara. Testi zgjat vetëm 5 minuta dhe rezultatet janë në dispozicion brenda 24 orësh.
