Së fundmi Ministria e Shëndetësisë ka ndryshuar vendimin për masat deri më 3 prill duke shtyrë afatin, deri në përfundim të gjendjes së koronavirusit në vend.
Të gjitha institucionet arsimore do të qëndrojnë të mbyllura për një kohë të pacaktuar.
Ky është vendimi i fundit i firmosur sot nga Ministrja e Shëndetësisë Ogerta Manastirliu i cili urdhëron se të gjitha institucionet arsimore do të qëndrojnë mbyllur deri në përfundim të gjendjes së epidemisë të shkaktuar nga infeksioni COVID-19.
Ky urdhër prek të gjitha institucionet arsimore publike dhe jo publike dhe çerdhet për kufizimin e përhapjes së infeksionit COVID-19.
Kujtojmë se në Shqipëri, numri i viktimave si pasojë e COVID-19 ka shkuar në 15.
Ministria e Shëndetësisë dhe Mbrojtjes Sociale herë pas here udhëzon qytetarët që të qëndrojnë në shtëpi.
“Sjellja individuale për zbatimin e rregullave të distancimit social dhe atë të higjienës, janë thelbësore në kufizimin e përhapjes së COVID-19 ndaj kërkojmë bashkëpunimin e secilit prej jush”, bën me dije MSH.
