Tashmë prej një jave, koronavirusi ka mbërritur edhe në vendin tonë, duke infektuar në total, deri më tani 38 persona.
Mësohet se në gjendje të rëndë është një 66-vjeçar nga Lushnja i cili po mbahet në jetë përmes aparaturave në Spitalin Infektiv.
66-vjeçari ka pasur histori udhëtimi me Italinë dhe është kthyer nga andej ditët e fundit.
12 prej të prekurve nga COVID-19 në Shqipëri janë të shtruar tek spitali Infektiv në Tiranë ndërkohë 2 prej tyre janë duke iu nënshtruar terapisë intensive.
Kujtojmë se ditën e sotme u konfirmuan 5 raste të reja me koronavirus.
Shqipëria shënoi viktimën e parë nga koronavirusi dy ditë më parë…bëhet fjalë për një 73 vjeçare nga Durrësi.
