Në këto ditë aspak të zakonta për Shqipërinë, ku populli është vetëizoluar për shkak të koronavirusit, vijojnë që farmacitë të shesin produkte me çmime abuzive.
Kësisoj, për të ndaluar këtë fenomen të rëndomtë, Autoriteti i Konkurrencës iu kërkon të gjithë qytetarëve që të denoncojnë rastet e vendosjes së çmimeve abuzive ndaj produkteve farmaceutike.
“Autoriteti i Konkurrencës kërkon bashkëpunimin e konsumatorëve dhe të subjekteve nëpërmjet denoncimit të rasteve të vendosjes së çmimeve abuzive ndaj produkteve farmaceutike dhe parafarmaceutike: ilaçe, suplemente, xhel dezinfektues dhe maska mbrojtëse.
Nëse dispononi fatura ose prova të tjera, jeni të lutur t’i dërgoni në adresën tonë zyrtare: [email protected]”, thekson Autoriteti Konkurrencës.
