Një 43-vjeçar nga Teksasi, i cili besonte se pandemia e koronavirusit nuk është e vërtetë ka marrë në qafë të gjithë familjen e tij.
Tony Green theu të gjitha rregullat kundër përhapjes së koronavirusit, duke organizuar një festë familjare. Mirëpo, pas kësaj feste, ai bashkë me 14 anëtarët e familjes së tij u infektuan, ndërsa vjehrra e tij vdiq pak ditë më vonë nga koronavirusi.
“Isha i bindur që Covid ishte një gënjeshtër e demokratëve për të diskredituar Trump, shkatërruar ekonominë dhe për të parandaluar rizgjedhjen e tij si President i Shteteve të Bashkuara. Ne besuam se më e keqja kishte mbaruar, se gjithçka do të ishte e lehtë, dyqanet do të hapeshin dhe askush nga ne nuk do të kishte simptoma. Por tani, ndihem përgjegjës për familjen time”, tha ai për një media lokale, duke theksuar se mori një mësim të ashpër në realitetin e COVID-19.
