Eksperti virolog në SHBA Arban Domi, përgjatë një prononcimi për “Zërin e Amerikës”, ka theksuar se zhvillimi i një vaksine kundër koronavirusit kërkon shumë muaj punë, por edhe pas kësaj, duhet kohë deri sa vaksina të ketë hyrë në prodhim masiv.
Dr. Domi, i cili është drejtor i Departamentit për Zhvillimin e Vaksinave në firmën bioteknologjike GeoVax, pranë qytetit Atlanta në shtetin amerikan të Xhorxhas, tha se virusi i ri përhapet më shpejt se sa gripi.
Ai ndër të tjera pohoi se është detyra e punonjësve të shëndetit publik që të njohin simptomat e koronavirusit të ri për të sensibilizuar njerëzit.
