Organizata Botërore e Shëndetësisë thotë se tashmë Evropa ka zëvendësuar Kinën si epiqendrën e pandemisë së koronavirusit.
Drejtori i OBSH-së Tedros Adhanom Ghebreyesus u tha gazetarëve të premten në Gjenevë se në Evropë “po raportohen më shumë raste çdo ditë sesa raportoheshin në Kinë në kulmin e epidemisë”.
Italia bëri të ditur të premten se numri i infeksioneve të reja me koronavirus u rrit me më shumë se 2.500 në 24 orët e fundit, duke sjellë numrin e përgjithshëm të të infektuarve në vend në 17.660.
Në Shtetet e Bashkuara, 49 shtete nga 50 gjithësej kanë raportuar raste me koronavirus.
Vetëm West Virginia nuk ka raportuar ende asnjë rast. Rastet e të prekurve në SHBA përbëjnë rreth 1 për qind të totalit botëror prej më shumë se 145,000 rastesh. Por zyrtarët e shëndetit publik po përgatiten për një numër më të madh pacientësh. Disa zyrtarë thonë se numri mund të jetë shumë më i madh për shkak të testimeve të kufizuara deri më tani. Numri më i madh i vdekjeve nga koronavirusi është regjistruar në shtetin e Uashingtonit, ku deri tani janë regjistruar 37 raste. /Voa
