Ellen Lee DeGeneres është një aktore amerikane, komediane, dubluese zëri dhe prezantuese televizive, moderatore e shfaqjes “The Ellen DeGeneres Show”.
Gjatë izolimit për shkak të pandemisë së koronavirusit, Ellen ka vazhduar shfaqjen e përditshme nga komoditeti i shtëpisë së saj. Ky vendim ka zemëruar ekipin e saj edhe për arsye të ndryshme.
Kasti i skenës së Ellen DeGeneres Show, i përbërë nga rreth 30 persona, nuk ka marrë ndonjë komunikim për çështje të rëndësishme, siç janë pagesa dhe orari i punës në këtë situatë mjaft të veçantë. Kjo është thënë nga një burim të enjten në Variety.
Gjërat u përkeqsuan kur grupi mësoi se ajo ka punësuar një kompani teknologjike për ta ndihmuar të transmetoje emisionin çdo ditë nga shtëpia e saj në Kaliforni.
Përveç kësaj, dy burime thanë se “drejtuesit e lartë ndonjeherë u jane përgjigjur telefonateveduke mos thene asgje për statusin të tyre.”
Më pas anëtarët e ekipit më në fund morën lajme nga menaxherët e prodhimit. Atyre u është thënë të presin një rënie të madhe të pagave me 60%, megjithëse shfaqja do të vazhdojë të transmetohet. Ata shtuan se janë vetëm katër prej punonjësve kryesorë që aktualisht janë duke punuar në versionin e fundit të Ellen.
Gjatë kësaj ndërprerje të komunikimit, Ellen zgjeroi orarin e saj nga shtëpia, nga katër shfaqje në javë në pesë, të gjitha të xhiruara në dy ditë në shtëpinë e saj.
Punonjësit e Ellen shtuan gjithashtu se ajo që ishte më shqetësuese ishte “mungesa e sensibilizimit
personal” nga drejtuesit e shfaqjes gjatë kësaj krize të paparë.
