Mëngjesin e sotëm është grabitur me dhunë, pronari i një zyre këmbimi valutor në Korçë. Dy persona i kanë i zënë pritë një burri, duke e grabitur. Autorët që dyshohet se janë djem në moshë të re, e kanë sulmuar 30 vjeçarin me inicialet E.R., dhe i kanë rrëmbyer një çantë të mbushur me lekë. Ngjarja në fjalë është shënuar sot rreth orës 08:25, në lagjen nr. 18.
Dy shtetas të paidentifikuar, sikurse raportohet nga policia lokale, i kanë vjedhur me dhunë çantën e dorës shtetasit E. R., 30 vjeç, banues në Korçë, brenda së cilës kishte një sasi lekësh dhe më pas janë larguar me shpejtësi.
Grupi hetimor po punon për identifikimin e kapjen e autorëve, si edhe zbardhjen e rrethanave të ngjarjes.
