Një grup fermerësh dhe tregtarësh kanë bllokuar rrugën në Korçë-Bilisht për të mbajtur një protestë 30 minutëshe, pasi ankohen se nuk kanë ku shesin prodhimet, si dhe kërkojnë ndërhyrjen e shtetit.
Në shenjë proteste, ata hodhën disa arka me mollë në mes të rrugës dhe më pas i shkelën me këmbë.
“Nuk jemi ku të shesim prodhimet, kanë mbetur stok, nuk ka treg, shteti duhet të reagojë”, u shprehën disa prej tyre.
Madje, po me mollë protestuesit i dërguan një mesazh kryeministrit, duke formuar fjalët “Rama ik”.
Nga protesta nuk u shënuan incidente, por vetëm trafik i rënduar për shkak të bllokimit të rrugës.
