Pas certifikimit nga Kongresi Amerikan të Joe Biden si presidentin e ardhshëm të SHBA-së, Donald Trump ka reaguar menjëherë, duke pranuar kështu publikisht humbjen përballë rivalit të tij.
Këtë e bëri të ditur përmes llogarisë në Twitter të ndihmësit të tij, Dan Scavino, për shkak se Twitter dhe Facebook i pezulluan llogaritë për 12 orë, pas trazirave në Kongres.
Ai ka thënë se më 20 janar do ia transferojë në mënyrë të rregullt pushtetin, tashmë presidentit të 46-të të SHBA, Joe Biden.
“Edhe pse nuk jam plotësisht dakord me rezultatin e zgjedhjeve dhe faktet e tregojnë, megjithatë do të ketë një tranzicion të rregullt më 20 janar.
Unë gjithmonë kam thënë se do të vazhdonim luftën tonë për të siguruar që vetëm votat e ligjshme të numëroheshin.
Ndërsa ky përfaqëson fundin e mandatit të parë më të madh në historinë presidenciale, është vetëm fillimi i luftës sonë për ta bërë Amerikën përsëri të madhe”, ka thënë Trump.
Burimi i lajmit: https://edition.cnn.com/politics/live-news/congress-electoral-college-vote-count-2021/index.html
Përshtatur nga TIRANA TODAY
