Deputetja Rudina Hajdari ka propozuar shtyrjen e ngritjes së Komisionit Hetimor për shkarkimin e presidentit Ilir Meta, pasi, sipas saj, nuk mungon Gjykata Kushtetuese, e për rrjedhojë nuk është koha e duhur.
Hajdari ka deklaruar se Komisioni mund të ngrihet në një moment tjetër, kur situata politike të jetë qetësuar.
“Sapo përfunduam takimin e konferencës së kryetarëve dhe në fakt propozova shtyrjen e ngritjes së komisionit hetimor, pasi nuk kemi një gjykatë Kushtetuese dhe nuk është koha e duhur. Nga ana procedurale nuk e ndaloj dot, por nuk kemi pse nxitohemi.
Nëse Presidenti ka shkelur Kushtetutën mund të vërtetohet kur të kemi Kushtetuesen. Sa i përket seancës së të hënës kemi kërkuar që të tërhiqemi nga diskutimi për një seancë që është bërë, se patëm një rezolutë që diskutua për Presidentin.
Kjo e pështjellon situatën dhe konfliktin mes Ramës dhe Metës, që e shohim si personal. Komisioni të shtyhet kur të kemi një situatë më normale, kur të kemi ngritjen e Gjykatës Kushtetuese”, deklaroi ajo.
